Fid-Dipartiment tar-Restawr u l-Preservazzjoni, aħna ddedikati għal-ħarsien ta’ strutturi storiċi, li ħafna minnhom huma proprjetà tal-pubbliku. Bħala l-korp governattiv primarju fdat b’din ir-responsabbiltà, aħna nispeċjalizzaw fit-twettiq ta’ proġetti ta’ restawr, riabilitazzjoni u konservazzjoni.

It-tim tagħna jopera mil-Kumpless tal-Ospizio fil-Furjana, u jinkludi professjonisti, tekniċi, u nies tas-sengħa b’għarfien espert wiesgħa fit-tekniki tar-restawr. Flimkien mal-fergħa amministrattiva tagħna, id-Dipartiment iħaddan aktar minn 160 impjegat.

Mid-dokumentazzjoni u d-disinn inizjali, għall-implimentazzjoni diretta fuq il-lant, aħna nieħdu ħsieb kull aspett tal-proġetti ta’ restawr. Aħna nużaw teknoloġija avvanzata bħal high-end laser scanning, għal dokumentazzjoni in-house, li jiżguraw preċiżjoni f’kull stadju.

Id-dedikazzjoni tagħna għall-preservazzjoni tal-wirt kulturali għani ta’ Malta tħeġġiġna biex inżommu l-pożizzjoni tagħna bħala mexxejja fil-qasam tar-restawr, filwaqt li ntejbu kontinwament it-tekniki u l-prattiki tagħna.